حج کے خواہشمندوں کے لئے بڑی خوشخبری
نئی پالیسی سعودی عرب کے نسک مسار سسٹم کے مطابق تیار کی جا رہی ہے/ فائل فوٹو
Updated | Published August, 8 2026 |
اسلام آباد:(ویب ڈیسک) حج 2027 کیلئے وزارت مذہبی امور نے پرائیویٹ حج آپریشن کا طریقہ کار تبدیل کرنے کا فیصلہ کر لیا ہے، نئی پالیسی کے تحت بکنگ نجی آپریٹر کے بجائے وزارت کی نگرانی میں ہوگی اور تمام عمل ڈیجیٹل نظام سے مکمل کیا جائے گا۔
ذرائع کے مطابق نئی پالیسی سعودی عرب کے نسک مسار سسٹم کے مطابق تیار کی جا رہی ہے جس کے تحت آئندہ پرائیویٹ حج کی بکنگ وزارت مذہبی امور کے توسط سے ہوگی۔
نئے نظام کے تحت پہلی بار سرکاری حج اسکیم کے ساتھ پرائیویٹ حج آپریشن بھی وزارت مذہبی امور کی براہ راست نگرانی میں چلایا جائے گا۔
یہ بھی پڑھیں: ایک ملک پر حملہ تینوں پر حملہ تصور: سہ فریقی دفاعی معاہدہ
ذرائع کا کہنا ہے کہ پرائیویٹ حج اسکیم کے انتظامات وزارت کی سرکاری پاک حج ایپ کے ذریعے کیے جائیں گے، جس سے بکنگ اور دیگر مراحل کو ڈیجیٹل بنانے میں مدد ملے گی۔
نئے نظام کا مقصد حج آپریشن میں شفافیت بڑھانا، عازمین کو بہتر سہولت فراہم کرنا اور نجی حج آپریٹرز کے معاملات کی مؤثر نگرانی یقینی بنانا ہے۔
