تفصیلات کے مطابق شاہد آفریدی نے بحرین کے دورے کے دوران صحافیوں سے گفتگو کرتے ہوئے ایک سوال کے جواب میں کہا کہ ہر فرد کو اپنی صحت کے حوالے سے فیصلے کرنے کا بنیادی حق حاصل ہوتا ہے، اور عمران خان بھی اس حق سے مستثنیٰ نہیں ہیں۔

انہوں نے کہا کہ اگر عمران خان بیرون ملک یا کسی مخصوص مقام پر علاج کروانا چاہتے ہیں تو انہیں اس کی اجازت ملنی چاہیے، کیونکہ صحت سے متعلق معاملات میں سہولت فراہم کرنا ضروری ہوتا ہے۔

یہ بھی پڑھیں: راولپنڈیز نے نسیم شاہ کے جزوی متبادل کا اعلان کردیا

یاد رہے کچھ روز قبل پاکستان کرکٹ ٹیم کے سابق کپتان شاہد آفریدی نے پاکستان کو امن کا علمبردار قرار دیا۔

سماجی رابطوں کی ویب سائٹ پر سابق کپتان نے پوسٹ شیئر کرتے ہوئے ایران امریکا جنگ بندی میں پاکستان کے کردار کو سراہا۔ انہوں نے جنگ بندی پر ردعمل دیتے ہوئے لکھا کہ اسلام امن کا نام ہے۔ پاکستان امن کا علمبردار ہے۔ شاہد آفریدی نے اپنے بیان پاکستان زندہ باد کا نعرہ بھی بلند کیا۔