فرنچائز نے فوری حکمت عملی اپناتے ہوئے آل راؤنڈر مبصر خان کو ان کے جزوی متبادل کے طور پر ٹیم میں شامل کر لیا ہے۔
فرنچائز حکام کے مطابق نسیم شاہ کو کراچی کنگز کیخلاف میچ کے دوران سائیڈ انجری کا سامنا کرنا پڑا، جس کے بعد انہیں آرام کا مشورہ دیا گیا ہے۔ ٹیم کے میڈیکل اسٹاف کی جانب سے ان کی فٹنس پر مسلسل نظر رکھی جا رہی ہے، اور امید ظاہر کی جا رہی ہے کہ وہ ٹورنامنٹ کے آخری مراحل میں واپسی کر سکتے ہیں، تاہم ان کی حتمی شمولیت فٹنس کلیئرنس سے مشروط ہوگی۔
مبصر خان جو اس سے قبل اسلام آباد یونائیٹڈ کی نمائندگی کر چکے ہیں، انہیں احتیاطی اقدام کے طور پر اسکواڈ میں شامل کیا گیا ہے۔ انہوں نے اپنے کیریئر میں 14 میچز کھیلتے ہوئے 49 رنز اسکور کیے اور 2 وکٹیں حاصل کیں۔
یہ بھی پڑھیں:اسلام آباد یونائیٹڈ نے لاہور قلندرز کو 9 وکٹوں سے شکست دے دی
دوسری جانب ٹیم نے اپنی بولنگ لائن کو مضبوط بنانے کیلئے نیوزی لینڈ کے فاسٹ بولر بین سیئرز کو بھی اسکواڈ میں شامل کر لیا، ڈھائی کروڑ روپے میں شامل کیے گئے بین سیئرز پی ایس ایل میں پہلی بار ایکشن میں نظر آئیں گے۔
