کراچی کے نیشنل بینک کرکٹ سٹیڈیم میں کھیلے گئے میچ میں اسلام آباد یونائیٹڈ نے لاہور قلندرز کی جانب سے دیا گیا 101 رنز کا ہدف ایک وکٹ کے نقصان پر 11ویں اوور کی دوسری گیند پر حاصل کر لیا۔

اسلام آباد یونائیٹڈ کی جانب سے ڈیوون کانوے 59 اور محمد فائق 34 رنز بنا کر ناقابل شکست رہے جبکہ سمیر منہاس 5 رنز بنا کر آؤٹ ہوئے۔

Islamabad United dominate with a 9-wicket victory 🏏#HBLPSL11 | #NewEra | #LQvIU pic.twitter.com/0iXxTuN0qf

— PakistanSuperLeague (@thePSLt20) April 9, 2026

لاہور قلندرز کی جانب سے واحد وکٹ کپتان شاہین آفریدی نے حاصل کی۔

قبل ازیں لاہور قلندرز نے اسلام آباد یونائیٹڈ کی دعوت پر پہلے بیٹنگ کی اور پوری ٹیم مقررہ 20 اوورز بھی پورے نہ کھیل سکی، قلندرز 19ویں اوور کی تیسری گیند پر پویلین لوٹ گئے۔

لاہور قلندرز کی جانب سے سکندر رضا 25 رنز بنا کر نمایاں رہے، حسیب اللہ خان 19، آصف علی 15 اور عبداللہ شفیق 10 رنز بنا کر پویلین لوٹے جبکہ دوسرا کوئی کھلاڑی ڈبل فگر میں بھی داخل نہ ہو سکا۔

𝐓𝐚𝐫𝐠𝐞𝐭 𝐬𝐞𝐭 🎯
101 runs to chase for Islamabad United.#HBLPSL11 | #NewEra | #LQvIU pic.twitter.com/GNRXEwCmF3

— PakistanSuperLeague (@thePSLt20) April 9, 2026

قلندرز کے کپتان شاہین آفریدی 9، روبن ہرمن 4، ریان برل اور حارث 2،2 جبکہ عبید شاہ ایک رن بنا کر آؤٹ ہوئے، اوپنر بیٹر محمد نعیم بغیر کھاتہ کھولے ہی چلتے بنے۔

اسلام آباد یونائیٹڈ کی جانب سے گرس گرین نے 3 کھلاڑیوں کو پویلین راہ دکھائی، کپتان شاداب خان، عماد وسیم اور رچرڈ گلیسن نے 2،2 کھلاڑیوں کو آؤٹ کیا جبکہ فہیم اشرف نے ایک وکٹ حاصل کی۔