پاکستان کرکٹ بورڈ (پی سی بی) کے چیئرمین محسن نقوی نے اس حوالے سے بتایا کہ ٹورنامنٹ ملتوی کرنے کا فیصلہ سری لنکن کرکٹ بورڈ کی درخواست پر کیا گیا۔ ان کے مطابق سری لنکا میں حالیہ دنوں میں شدید بارشوں اور خراب موسم کے ساتھ ساتھ چکن گونیا وائرس کے پھیلاؤ کی وجہ سے کھلاڑیوں اور اسٹاف کی صحت کو لاحق خطرات کو مدنظر رکھتے ہوئے یہ قدم اٹھایا گیا ہے۔ نئی تاریخوں کا اعلان بعد میں کیا جائے گا۔
یہ بھی پڑھیں: گلین میکسویل کا ون ڈے کرکٹ کو خیرباد
محسن نقوی نے کہا کہ نوجوان خواتین کرکٹرز کو کھیلنے کے بھرپور مواقع دینا پی سی بی اور اے سی سی دونوں کی اولین ترجیح ہے، تاہم کھلاڑیوں کی صحت اور تحفظ سے کسی صورت سمجھوتہ نہیں کیا جا سکتا۔ انہوں نے مزید کہا کہ ہمیں امید ہے کہ ایشین کرکٹ کونسل جلد نئی تاریخوں کا اعلان کرے گا، تاکہ ٹورنامنٹ کی تیاری دوبارہ بہتر انداز میں کی جا سکے۔
چیئرمین پی سی بی نے تمام ٹیموں، آفیشلز اور شراکت داروں کا شکریہ ادا کرتے ہوئے کہا کہ اس مشکل فیصلے میں سب کا تعاون قابلِ ستائش ہے۔ مداحوں سے گزارش کی گئی ہے کہ وہ صبر کا مظاہرہ کریں اور جلد آنے والی مثبت خبروں کا انتظار کریں۔
