یہ اعلان کرکٹ فینز کیلئے حیران کن تو ضرور ہے، مگر میکسویل نے اسے ایک سوچا سمجھا فیصلہ قرار دیا ہے، جو ان کے مستقبل کے اہداف سے جڑا ہوا ہے۔

واضح رہے کہ گلین میکسویل نے اپنے کیریئر میں 149 ون ڈے میچز میں آسٹریلیا کی نمائندگی کی، جس میں انہوں نے 3990 رنز بنائے۔ ان کے جارحانہ انداز، غیر روایتی شاٹس اور میچ جتوانے کی صلاحیت نے انہیں دنیا بھر میں شہرت دلائی۔

میکسویل کا کہنا تھا کہ ان کا ون ڈے کیریئر اتار چڑھاؤ سے بھرپور رہا، لیکن انہوں نے ہر لمحے سے سیکھا اور ٹیم کیلئے ہمیشہ اپنی بہترین کارکردگی دینے کی کوشش کی۔

ریٹائرمنٹ کے اعلان کے دوران میکسویل نے بتایا کہ انہوں نے یہ فیصلہ آئندہ سال ہونے والے ٹی ٹوئنٹی ورلڈکپ پر مکمل توجہ مرکوز کرنے کیلئے کیا ہے۔

یہ بھی پڑھیں:بنگلادیش کو شکست، پاکستان نے ٹی 20 سیریز اپنے نام کرلی

ان کا کہنا تھا کہ وہ جسمانی اور ذہنی طور پر خود کو اس بڑے ایونٹ کیلئے تیار کرنا چاہتے ہیں تاکہ آسٹریلیا کو ایک اور عالمی اعزاز دلایا جا سکے۔

گلین میکسویل نے اس فیصلے سے قبل آسٹریلوی چیف سلیکٹر جارج بیلی سے تفصیلی مشاورت کی، دونوں نے متفقہ طور پر یہ فیصلہ کیا کہ ون ڈے کرکٹ سے سبکدوشی میکسویل کے کیریئر کے اگلے مرحلے کیلئے بہترین قدم ہوگا۔

آسٹریلوی کرکٹ بورڈ اور ان کے ساتھی کھلاڑیوں نے بھی میکسویل کے شاندار کیریئر کو سراہا اور انہیں مستقبل کیلئے نیک خواہشات دی ہیں۔