یہ بھی پڑھیں: پہلا ٹی 20: پاکستان نے بنگلا دیش کو 37 رنز سے شکست دیدی
دیگر بیٹرز میں محمد حارث نے 41، کپتان سلمان آغا نے 19، شاداب خان نے 7، صائم ایوب نے 4 اور فہیم اشرف نے 1 رن اسکور کیا۔ بنگلادیش کی جانب سے تنظیم حسن ثاقب اور حسن محمود نے 2، 2 وکٹیں حاصل کیں جبکہ رشاد حسین نے ایک وکٹ لی۔
202 رنز کے ہدف کے تعاقب میں بنگلادیشی ٹیم مشکلات کا شکار رہی اور پوری ٹیم 19 اوورز میں صرف 144 رنز بنا سکی۔ بنگلادیش کی جانب سے سب سے نمایاں بیٹنگ تنظیم حسن ثاقب نے کی، جنہوں نے 50 رنز بنائے۔ ان کے علاوہ تنزید حسن نے 33، مہدی حسن میراز نے 23، پرویز حسین ایمان نے 8، شمیم حسین نے 7، کپتان لٹن داس نے 6، توحید ہردوئی نے 5، رشاد حسین نے 1 اور جاکر علی بغیر کوئی رن بنائے آؤٹ ہوئے۔
حسن محمود 8 رنز کے ساتھ ناٹ آؤٹ رہے جبکہ شریف الاسلام انجری کے باعث بیٹنگ کے لیے میدان میں نہ آسکے۔
پاکستان کی جانب سے بولنگ میں بھی شاندار کارکردگی دیکھنے کو ملی۔ اسپنر ابرار احمد نے تین وکٹیں حاصل کیں جبکہ فہیم اشرف، شاداب خان، صائم ایوب، خوشدل شاہ، حسن علی اور حارث رؤف نے ایک، ایک کھلاڑی کو آؤٹ کیا۔
