پیٹرول 10 روپے فی لیٹر سستا ہونے کا امکان
ذرائع کے مطابق عالمی مارکیٹ میں برینٹ خام تیل کی قیمت کم ہو کر 96 ڈالر فی بیرل جبکہ ویسٹ ٹیکساس انٹرمیڈیٹ (ڈبلیو ٹی آئی) کی قیمت 88 ڈالر فی بیرل تک پہنچ گئی ہے۔
ذرائع کا کہنا ہے کہ عالمی منڈی میں تیل کی قیمتوں میں کمی کے اثرات پاکستان میں بھی منتقل ہونے کا امکان ہے، جس کے نتیجے میں پیٹرولیم مصنوعات کی قیمتوں میں کمی متوقع ہے۔
یہ بھی پڑھیں: 10 روپے کا نوٹ ختم کر کے سکہ متعارف کرانے کا فیصلہ
پاکستان میں پیٹرول کی قیمت میں 9 روپے 50 پیسے سے 10 روپے فی لیٹر تک کمی کا امکان ظاہر کیا جا رہا ہے، جس کے بعد پیٹرول کی نئی قیمت تقریباً 352 روپے فی لیٹر ہو سکتی ہے۔
اسی طرح ڈیزل کی قیمت میں بھی 5 روپے 50 پیسے سے پونے 6 روپے فی لیٹر تک کمی متوقع ہے۔
ذرائع کے مطابق اگر عالمی مارکیٹ میں خام تیل کی قیمتوں میں کمی کا رجحان برقرار رہا تو پاکستان میں پیٹرولیم مصنوعات مزید سستی ہونے کا امکان ہے۔ تاہم نئی قیمتوں کا حتمی اعلان متعلقہ حکام کی جانب سے کیا جائے گا۔
