پی ٹی آئی کی سرگرم رہنما مسز تاج آفریدی پیپلزپارٹی میں شامل
مسز تاج آفریدی نے ضلع شانگلہ کے علاقے داموڑی میں واقع پیپلز ہاؤس میں پریس کانفرنس کے دوران پیپلز پارٹی میں شمولیت کا باضابطہ اعلان کیا۔ اس موقع پر پارٹی کے مقامی رہنماؤں اور کارکنوں کی بڑی تعداد بھی موجود تھی، جنہوں نے ان کا استقبال کیا۔
پریس کانفرنس سے خطاب کرتے ہوئے مسز تاج آفریدی کا کہنا تھا کہ انہوں نے عوامی خدمت کے جذبے اور پاکستان پیپلز پارٹی کے منشور سے متاثر ہو کر پارٹی میں شمولیت کا فیصلہ کیا ہے۔
یہ بھی پڑھیں: نیب نے فضل الرحمان کے بیٹے کو طلب کرلیا
انہوں نے اس عزم کا اظہار کیا کہ وہ عوامی مسائل کے حل اور علاقے کی ترقی کے لیے اپنا بھرپور کردار ادا کریں گی۔
دوسری جانب مقامی سیاسی حلقوں کی جانب سے شانگلہ جیسے اہم سیاسی ضلع میں پی ٹی آئی کی سرگرم رہنما کی پیپلز پارٹی میں شمولیت کو اہم سیاسی پیش رفت قرار دیا جا رہا ہے۔
سیاسی مبصرین کے مطابق اس شمولیت سے ضلع شانگلہ میں پیپلز پارٹی کی تنظیمی سرگرمیوں اور سیاسی رابطوں کو تقویت ملنے کا امکان ہے۔
