حکومت کا نوجوانوں کیلئے روزگار کے بہترین مواقع پیدا کرنے کا اعلان
رانا مشہود احمد خان نے کراچی کی صنعتی اور کاروباری برادری سے اپیل کی کہ وہ بلوچستان میں بے روزگاری کے خاتمے، معاشی سرگرمیوں کے فروغ اور پائیدار امن و خوشحالی کے لیے اپنا کردار ادا کرے۔
انہوں نے بتایا کہ منصوبے کے پہلے مرحلے میں 6 سے 7 ہزار نوجوانوں کو روزگار کی فراہمی میں مدد دی جائے گی۔ ان کا کہنا تھا کہ نوجوانوں کو معاشی سرگرمیوں کا حصہ بنانے کے لیے حکومت اور نجی شعبے کے درمیان تعاون ضروری ہے۔
یہ بھی پڑھیں: کراچی انٹر بورڈ نے انٹرمیڈیٹ پارٹ ون کے نتائج کا اعلان کر دیا
رانا مشہود نے کراچی کی صنعتوں اور کاروباری اداروں پر زور دیا کہ وہ نوجوانوں کو ملازمتوں، فنی تربیت اور عملی تجربے کے مواقع فراہم کرنے کے لیے شراکت داری کریں۔
اس موقع پر کاروباری نمائندوں زبیر موتی والا اور جاوید بلوانی نے بھی روزگار کے مواقع بڑھانے کے لیے صنعتی سرگرمیوں کی بحالی، نئی سرمایہ کاری اور صنعتی مسابقت بہتر بنانے کی ضرورت پر زور دیا۔
ان کا کہنا تھا کہ صنعتوں کی بندش اور برآمدات میں کمی سے بے روزگاری بڑھ رہی ہے، اس لیے نئی ملازمتوں کی فراہمی کے لیے صنعتی شعبے کو مضبوط بنانا ضروری ہے۔
