وزیراعلیٰ کی رٹ نہیں، وزراء کو اٹھایا جا رہا ہے: علی امین
سابق وزیراعلیٰ خیبرپختونخوا علی امین گنڈاپور نے نجی ٹی وی چینل سے گفتگو کی/ فائل فوٹو
Updated 17 گھنٹے قبل | Published September, 28 2026 |
پشاور (ویب ڈیسک) سابق وزیراعلیٰ خیبرپختونخوا علی امین گنڈاپور نے کہا ہے کہ لانگ مارچ سے متعلق پارٹی کی کوئی خاص تیاری نہیں تھی، وزیراعلیٰ کی رٹ نہ ہونے سے صوبے میں وزراء، اراکین، ورکرز کو اٹھایا جا رہا ہے۔
نجی ٹی وی چینل سے گفتگو میں علی امین گنڈاپور نے کہا لانگ مارچ کی تاریخ تبدیل ہونے سے پارٹی کمزور ہوئی ہے، وفاقی حکومت پر دباؤ بڑھےگا تو وہ مطالبات تسلیم کرے گی۔
یہ بھی پڑھیں: خیبر میں فائرنگ کا واقعہ، زخمی ایس ایچ او شہید
علی امین گنڈا پور نے کہا بانی پی ٹی آئی عمران خان کا حکم ملا تو دوبارہ وزیراعلیٰ بن سکتا ہوں، بانی پی ٹی آئی کے حکم پر وزارت اعلیٰ چھوڑی تھی، حکومت سے مذاکرات کرنا فیصلہ سازوں کا کام ہے۔
علی امین گنڈا پور بولے رکاوٹوں، مزاحمت کے باوجود احتجاج کے دوران 3 مرتبہ اسلام آباد پہنچنے میں کامیاب ہوا، وزیراعلیٰ سہیل آفریدی سے خوشگوار ماحول میں بات چیت ہوئی، ہماری ایک پارٹی ہے، پختون ہیں، گھر آئے مہمان کی قدر کرتے ہیں۔
