خیبر میں فائرنگ کا واقعہ، زخمی ایس ایچ او شہید
ایس ایچ او ریاض حسین نان کسٹم پیڈ گاڑیوں کے اسمگلروں کے ساتھ فائرنگ کے تبادلے میں شدید زخمی ہوئے تھے/ فائل فوٹو
Updated 15 گھنٹے قبل | Published September, 28 2026 |
خیبر (ویب ڈیسک) خیبر میں زخمی ایس ایچ او ریاض حسین آفریدی زخموں کی تاب نہ لاتے ہوئے اسپتال میں دم توڑ گئے۔
ڈی پی او وقار احمد کے مطابق شہید ایس ایچ او ریاض حسین آفریدی تھانہ ملاگوری میں تعینات تھے۔
یہ بھی پڑھیں: افغان طالبان کے دعوے پر رائٹرز کی رپورٹنگ بھی سوالات کی زد میں آگئی
ڈی پی او کے مطابق ایس ایچ او ریاض حسین آج نان کسٹم پیڈ گاڑیوں کے اسمگلروں کے ساتھ فائرنگ کے تبادلے میں شدید زخمی ہوگئے تھے، جنہیں طبی امداد کے لیے پشاور کے اسپتال منتقل کیا گیا تھا۔
ڈی پی او وقار احمد کے مطابق فائرنگ کے بعد پولیس نے 2 نان کسٹم پیڈ گاڑیوں کو بھی حراست میں لیا تھا۔
