پیٹرول کی قیمت ایک ہزار روپے فی لیٹر تک جانے کا خدشہ،علی پرویز
لاہور میں میڈیا سے گفتگو کرتے ہوئے وفاقی وزیر پیٹرولیم علی پرویز ملک نے کہا کہ عالمی منڈی میں تیل کی قیمتوں میں نمایاں اضافہ ہوا ہے، جس کے اثرات دنیا بھر میں دیکھے جا رہے ہیں۔
ان کے مطابق یورپ اور امریکا میں بھی تیل مہنگا ہوا ہے، جبکہ عالمی منڈی میں تیل کی قیمتوں میں 80 فیصد اضافے کے مقابلے میں پاکستان میں تقریباً 50 فیصد اضافہ کیا گیا ہے۔
علی پرویز ملک کا کہنا تھا کہ وزیراعظم شہباز شریف نے عوام کو ریلیف دینے کے لیے پیٹرول کی قیمتوں میں اضافے کو محدود رکھنے کی کوشش کی ہے۔
یہ بھی پڑھیں: پی ٹی آئی احتجاج سے نمٹنے کیلئے حکومت کا بڑا فیصلہ
وفاقی وزیر نے کہا کہ سردیوں میں عوام کو گیس کی قلت کا سامنا نہیں ہونے دیا جائے گا، چاہے اس مقصد کے لیے 3 ملین ڈالر کے بجائے 100 ملین ڈالر کی گیس درآمد کرنا پڑے۔
انہوں نے بتایا کہ گزشتہ روز ایک ہی دن میں 18 کروڑ روپے مالیت کے فیول ٹوکن جاری کیے گئے۔ ان کا کہنا تھا کہ جماعت اسلامی کو عوام کی مشکلات پر سیاست کرنے سے گریز کرنا چاہیے، جبکہ جماعت اسلامی کے وفد کو پہلے ہی حکومتی چیلنجز سے آگاہ کر دیا گیا تھا۔
علی پرویز ملک نے کہا کہ تیل کی تلاش کے لیے کنوؤں پر کام شروع کر دیا گیا ہے اور اکتوبر کے دوران تیل دریافت کرنے کی کوشش کی جائے گی۔
