وزیر اعظم کا سعودی ولی عہد سے رابطہ، حوثیوں کے حملوں کی مذمت
وزیراعظم شہباز شریف نے سماجی رابطے کی ویب سائٹ ’ایکس‘ پر اپنے بیان میں کہا کہ انہوں نے آج شام سعودی ولی عہد شہزادہ محمد بن سلمان سے گفتگو کی ہے۔
بیان کے مطابق وزیراعظم شہباز شریف نے سعودی عرب میں سویلین اور اقتصادی تنصیبات کو نشانہ بنانے پر حالیہ حوثی حملوں کی سخت مذمت کی اور سعودی قیادت سمیت مملکت کے عوام کے ساتھ پاکستان کی مکمل یکجہتی کا اظہار کیا۔
سررت بالحديث مع أخي العزيز صاحب السمو الملكي ولي العهد الأمير محمد بن سلمان في هذا المسآء.
— Shehbaz Sharif (@CMShehbaz) September 13, 2026
وجددت إدانة باكستان الشديدة للهجمات الحوثية الأخيرة التي استهدفت البنية التحتية المدنية والاقتصادية في المملكة، وأعربت عن تضامننا الكامل مع القيادة السعودية وإخواننا وأخواتنا في المملكة… https://t.co/zpq5OZx73r
انہوں نے کہا کہ ایسے غیر ذمہ دارانہ اقدامات علاقائی امن و استحکام کے لیے خطرہ ہیں جو عالمی معیشت اور توانائی کے تحفظ کے لیے سنگین نتائج کا باعث بن سکتے ہیں۔
یہ بھی پڑھیں: آبنائے ہرمز کنٹرول کرنا ہے تو 100 کلومیٹر اندر آکر دکھائیں، پاسداران انقلاب
انہوں نے سعودی ولی عہد کی قیادت اور وژن کو بھی سراہتے ہوئے کہا کہ شہزادہ محمد بن سلمان موجودہ مشکل حالات میں دانش مندانہ قیادت کا مظاہرہ کر رہے ہیں۔
وزیراعظم نے کہا کہ فیلڈ مارشل عاصم منیر، نائب وزیراعظم و وزیر خارجہ اسحاق ڈار اور وہ خود خطے میں کشیدگی کم کرنے اور امن و استحکام کے فروغ کے لیے اپنی کوششیں جاری رکھیں گے۔
واضح رہے کہ سعودی عرب نے یمن سے متصل علاقے پر حوثیوں کی جانب سے میزائل حملے کا دعویٰ کیا ہے۔
واضح رہے کہ یمن میں اس وقت ایران نواز حوثیوں اور اور سعودی حمایت فورسز کے درمیان شدید لڑائی جاری ہے۔ دونوں فوجوں کے درمیان جھڑپیں ملک کے دو اہم حکومتی مراکز طائز اور مارب کے اطراف میں ہو رہی ہیں، جہاں حوثی جنگجو پیش قدمی کی کوشش کر رہے ہیں تاہم انہیں حکومتی فورسز کی جانب سے سخت مزاحمت کا سامنا ہے۔
