بیرون ملک سفر کیلئے نادرا ویکسینیشن سرٹیفکیٹ لازمی قرار

تفصیلات کے مطابق حکام نے واضح کیا ہے کہ اب نادرا کا جاری کردہ ویکسینیشن کارڈ دکھائے بغیر کسی بھی مسافر کو بین الاقوامی پرواز میں سفر کی اجازت نہیں دی جائے گی۔

یہ پابندی تمام بین الاقوامی مسافروں پر لاگو ہوگی، جبکہ عمرہ زائرین کو سفر پر روانہ ہونے سے قبل اپنے سرٹیفکیٹ کا حصول یقینی بنانا ہوگا۔

یہ بھی پڑھیں: اے این پی کے منتخب ناظم خان واحد پی ٹی آئی میں شامل

ایئرپورٹ ہیلتھ ڈپارٹمنٹ نے تمام ائیرلائنز کو ہدایت کی ہے کہ وہ عمرہ زائرین سمیت تمام غیر ملکی سفر کرنے والے مسافروں کے ویکسینیشن کارڈز کی جانچ پڑتال کو یقینی بنائیں۔ اس عمل کو شفاف بنانے کے لیے وفاقی حکومت کی سول ڈسپنسری کو ہی واحد ویکسینیشن مرکز کے طور پر نامزد کیا گیا ہے۔

اسی طرح ائیرپورٹ پر ویکسین لگوانے کے خواہشمند افراد کو ہدایت کی گئی ہے کہ وہ اپنی پرواز سے کم از کم 6 گھنٹے قبل ایئرپورٹ پہنچ جائیں۔ انٹرنیشنل ڈپارچر پر ویکسینیشن کی فراہمی کے ساتھ ساتھ آن لائن رجسٹریشن کا عمل بھی مکمل کیا جائے گا تاکہ مسافروں کو کسی قسم کی دشواری کا سامنا نہ کرنا پڑے۔