پی آئی اے نے ایاٹا کے انٹرنل سیفٹی آڈٹ میں کامیابی حاصل کرلی
ذرائع کے مطابق ایاٹا نے پی آئی اے انتظامیہ کو آڈٹ میں کامیابی سے متعلق آگاہ کردیا ہے۔ اس کامیابی کے بعد پی آئی اے کا آپریشنل سیفٹی آڈٹ 2028 تک قابل عمل رہے گا۔
اس سال ایاٹا کی جانب سے پی آئی اے کا رسک بیسڈ اور سخت نوعیت کا سیفٹی آڈٹ کیا گیا تھا، جس میں قومی ایئرلائن کے آپریشنل سیفٹی کے مختلف پہلوؤں کا جائزہ لیا گیا۔
یہ بھی پڑھیں: غیر اعلانیہ لوڈشیڈنگ پر وزیراعظم کا نوٹس، 2 گھنٹے سے زیادہ لوڈشیڈنگ نہ کرنے کی ہدایت
ایاٹا آپریشنل سیفٹی آڈٹ پروگرام (آئی او ایس اے) ایک بین الاقوامی سطح پر تسلیم شدہ تشخیصی نظام ہے، جس کے ذریعے ایئرلائنز کے آپریشنل سیفٹی سے متعلق مختلف امور کا جائزہ لیا جاتا ہے۔
پی آئی اے کی جانب سے آڈٹ میں کامیابی حاصل کرنے کے بعد اب قومی ایئرلائن کا اگلا آپریشنل سیفٹی آڈٹ ستمبر 2028 میں ہوگا۔
یہ کامیابی پی آئی اے کے سیفٹی اور آپریشنل معیار کو برقرار رکھنے کی جانب ایک اہم پیش رفت قرار دی جارہی ہے۔
