گرین بس کی ٹکر، موٹر سائیکل پر سوار بچی جاں بحق
حادثے کے وقت بچی اپنے والد کے ہمراہ موٹر سائیکل پر سوار تھی/ فائل فوٹو
Updated 15 گھنٹے قبل | Published September, 9 2026 |
راولپنڈی (ویب ڈیسک) تھانہ صدر بیرونی کے علاقے منور کالونی، اڈیالہ روڈ پر پیش آنے والے ٹریفک حادثے میں پنجاب گرین بس سروس کی ٹکر سے موٹر سائیکل پر سوار ایک بچی جاں بحق ہوگئی۔
ریسکیو 1122 کے مطابق حادثے کے وقت بچی اپنے والد کے ہمراہ موٹر سائیکل پر سوار تھی جبکہ بس کی ٹکر کے نتیجے میں والد اور دوسری بچی محفوظ رہے، واقعے کے فوری بعد شہریوں نے بس ڈرائیور کو قابو کرلیا۔
یہ بھی پڑھیں: ٹریکٹرٹرالی بجلی کے تاروں سے ٹکرا گئی، 6 افراد جاں بحق
حادثے کے بعد موقع پر موجود افراد مشتعل ہوگئے اور انہوں نے بس پر پتھراؤ کر کے اس کے شیشے توڑ ڈالے۔ پولیس اور ریسکیو ٹیمیں اطلاع ملنے پر فوری طور پر جائے وقوعہ پر پہنچ گئیں اور امدادی کارروائیاں شروع کر دیں۔
پولیس کے مطابق صورتحال کو کنٹرول کرنے کے لیے نفری تعینات کر دی گئی ہے۔ چیف ٹریفک آفیسر فرحان اسلم اور ایس پی صدر انعم شیر بھی موقع پر پہنچ گئیں اور حالات کا جائزہ لیا۔
