ٹریکٹرٹرالی بجلی کے تاروں سے ٹکرا گئی، 6 افراد جاں بحق
پولیس حکام کے مطابق افسوسناک واقعہ پیر جو گوٹھ کے قریب پیش آیا، جہاں ٹریکٹر ٹرالی بجلی کے تاروں کی زد میں آگئی۔ حادثے کے بعد ٹریکٹر ٹرالی میں سوار افراد کو شدید کرنٹ لگا، جس کے باعث 6 افراد موقع پر ہی جان کی بازی ہار گئے۔
حادثے کی اطلاع ملتے ہی پولیس اور امدادی ٹیمیں جائے وقوعہ پر پہنچ گئیں اور لاشوں و زخمیوں کو فوری طور پر سول ہسپتال ٹھٹھہ منتقل کیا گیا۔
ہسپتال انتظامیہ کے مطابق زخمیوں کو طبی امداد فراہم کی جا رہی ہے جبکہ جاں بحق افراد کی لاشیں ضروری کارروائی کیلئے منتقل کردی گئی ہیں۔
پولیس حکام کا کہنا ہے کہ حادثے کا شکار ہونے والے افراد مزدور تھے جو چاول کی فصل کاٹنے کے بعد ٹریکٹر ٹرالی کے ذریعے اپنے گھروں کو واپس جا رہے تھے کہ راستے میں بجلی کے تاروں سے ٹریکٹر ٹرالی ٹکرا گئی۔
یہ بھی پڑھیں:ایران نے امریکی جدید ترین بغیر پائلٹ آبدوز پکڑ لی
واقعے کے بعد علاقے میں سوگ کی فضا قائم ہوگئی جبکہ پولیس نے حادثے کی مزید تحقیقات شروع کردی ہیں۔ حکام کی جانب سے واقعے کی وجوہات اور بجلی کے تاروں کی صورتحال کا بھی جائزہ لیا جا رہا ہے۔
