پاک فوج کی بلوچستان میں فتنہ الہندوستان کے خلاف کارروائیاں،36 دہشت گرد ہلاک
24 گھنٹے میں مستونگ، کوئٹہ، قلات اور سبی میں انٹیلیجنس کی بنیاد پر متعدد کارروائیاں کی گئیں۔ 4 ستمبر کو مستونگ آپریشن میں فورسز نے 6 بھارتی اسپانسرڈ دہشت گرد کو ہلاک کیا جن سے گولہ بارود کے ذخیرے، دیسی ساختہ دھماکا خیز آلات تباہ کیا گیا۔
ترجمان پاک فوج کا کہنا ہے کہ ایک اور انٹیلیجنس بیسڈ آپریشن کوئٹہ کے علاقے شعبان میں کیا گیا جس میں 4 ٹھکانوں کو کامیابی سے نشانہ بنا کر 26 خوارج کو جہنم واصل کیا گیا۔
یہ بھی پڑھیں: عمران خان باہر آئے تو اپنے خلاف سازشوں کا حساب لوں گا: علی امین گنڈاپور
قلات میں فورسز نے دہشت گردوں کے ٹھکانے پر چھاپہ مارا اس دوران 2 ہندوستانی اسپانسرڈ دہشت گردوں کو جہنم واصل کیا گیا، ادھر سبی میں فورسز نے دہشت گردوں کے ٹھکانے پر چھاپہ مارا اس دوران فائرنگ کے تبادلے میں 2 دہشت گرد مارے گئے۔
ترجمان پاک فوج کا کہنا ہے کہ گزشتہ 72 گھنٹے میں بلوچستان بھر میں 48 دہشت گردوں کو جہنم واصل کیا گیا ہے، رواں سال مارے جانے والے دہشت گردوں کی تعداد ایک ہزار 188 ہے۔
آئی ایس پی آر کا کہنا ہے کہ عزم استحکام وژن کے تحت انسداد دہشت گردی آپریشنز آخری دہشت گرد کے خاتمے تک جاری رہیں گے۔
