این اے 168 ضمنی الیکشن، مسلم لیگ ن نے امیدوار کا اعلان کردیا
تفصیلات کے مطابق مسلم لیگ ن کے قائد محمد نواز شریف نے حلقہ این اے 168 کے ضمنی انتخاب کیلئے ملک منیر اقبال چنڑ کو پارٹی ٹکٹ دینے کی منظوری دی، جس کے بعد انہیں مسلم لیگ ن کی جانب سے باضابطہ طور پر ٹکٹ جاری کردیا گیا۔
ملک منیر اقبال چنڑ سابق رکن قومی اسمبلی ملک اقبال چنڑ مرحوم کے صاحبزادے ہیں۔ ملک اقبال چنڑ کچھ عرصہ قبل انتقال کرگئے تھے، جس کے بعد این اے 168 کی نشست خالی ہوئی۔
پارٹی ذرائع کے مطابق مسلم لیگ ن نے حلقے میں اپنے امیدوار کی نامزدگی کے حوالے سے مشاورت مکمل کرنے کے بعد ملک منیر اقبال چنڑ کو انتخابی میدان میں اتارنے کا فیصلہ کیا ہے۔
ملک منیر اقبال چنڑ اب ضمنی انتخاب میں مسلم لیگ ن کے امیدوار کی حیثیت سے حصہ لیں گے۔ پارٹی کی جانب سے ٹکٹ جاری ہونے کے بعد حلقے میں سیاسی سرگرمیوں میں بھی تیزی آنے کا امکان ہے۔
این اے 168 کے ضمنی انتخاب کیلئے دیگر سیاسی جماعتوں اور امیدواروں کی جانب سے بھی تیاریاں جاری ہیں، آنے والے دنوں میں انتخابی سرگرمیوں میں مزید تیزی متوقع ہے۔
یہ بھی پڑھیں:کوچ اور ڈمپر میں تصادم، 4 افراد جاں بحق متعدد زخمی
مسلم لیگ ن کی قیادت کو امید ہے کہ ملک منیر اقبال چنڑ اپنے والد کی سیاسی وابستگی اور حلقے میں موجود روابط کی بنیاد پر پارٹی کیلئے مضبوط امیدوار ثابت ہوں گے۔
