اسناد کی تصدیق، ایچ ای سی نے عوام کو خبردار کرد یا

ایچ ای سی ترجمان کے مطابق بعض غیر مجاز افراد خود کو کمیشن کے تصدیقی ایجنٹ ظاہر کر کے شہریوں کو اسناد کی تصدیق میں معاونت کی پیشکش کر رہے ہیں۔

کمیشن نے عوام کو ہدایت کی ہے کہ وہ اپنی ذاتی اور تعلیمی معلومات کسی غیر مجاز شخص کے ساتھ شیئر نہ کریں کیونکہ اس سے فراڈ اور جعل سازی کا خدشہ ہو سکتا ہے۔

یہ بھی پڑھیں: پاکستانی طالبات کیلئے بڑی خوشخبری

ترجمان نے کہا کہ درخواست گزار اسناد کی تصدیق کے لیے ایچ ای سی کی دستیاب سرکاری ہدایات پر عمل کریں اور درخواستیں خود جمع کرائیں۔

ایچ ای سی نے واضح کیا کہ تصدیق کے معاملے میں کسی غیر مجاز شخص یا ایجنٹ پر اعتماد نہ کیا جائے اور صرف کمیشن کے سرکاری ذرائع سے ہی رہنمائی حاصل کی جائے۔