سہیل آفریدی 5 سالہ آیت نور کے گھر پہنچ گئے
تفصیلات کے مطابق وزیراعلیٰ کے پی سہیل آفریدی نے متاثرہ خاندان سے اظہار ہمدردی کیا اور آیت نور کے لیے فاتحہ خوانی کی۔ انہوں نے کہا کہ غم کی اس گھڑی میں خیبرپختونخوا کے عوام اور حکومت متاثرہ خاندان کے ساتھ کھڑے ہیں۔ انہوں نے متاثرہ خاندان کو ہر صورت انصاف کی فراہمی کی یقین دہانی کرائی۔
یہ بھی پڑھیں: خیبرپختونخو حکومت کا ای وی بائیکس سکیم متعارف کرانے کا فیصلہ
وزیراعلیٰ نے کہا کہ واقعے میں ملوث عناصر کو سخت سزا دی جائے گی اور انہیں عبرت کا نشان بنایا جائے گا۔ انہوں نے مزید کہا کہ واقعے کی تحقیقات میں کسی قسم کی غفلت یا کوتاہی برداشت نہیں کی جائے گی۔
وزیراعلیٰ خیبر پختونخوا محمد سہیل خان آفریدی کا زیادتی کے بعد قتل ہونے والی پانچ سالہ آیت نور کے گھر آمد کے موقع پر اظہارِ خیال! pic.twitter.com/m0AWTg78jh
— Yar Muhammad Khan Niazi (@YarMKNiazi) August 29, 2026
اس موقع پر گفتگو کرتے ہوئے سہیل آفریدی نے کہا کہ چائلڈ پروٹیکشن بل کو مزید مؤثر اور سخت بنایا جائے گا۔ انہوں نے متاثرہ خاندان کو یقین دلایا کہ حکومت انہیں تنہا نہیں چھوڑے گی اور ہر ممکن معاونت فراہم کی جائے گی۔
