جمائما کا عمران خان کیلئے برطانوی حکومت سے اہم مطالبہ
جمائما خان نے برطانوی حکومت سے عمران خان کی قید پر خاموشی ختم کرنے کا مطالبہ کیا/ فائل فوٹو
Updated | Published August, 25 2026 |
اسلام آباد (ویب ڈیسک) بانی پی ٹی آئی عمران خان کی سابقہ اہلیہ جمائما خان نے برطانوی حکومت سے عمران خان کی قید اور مبینہ انسانی حقوق کی خلاف ورزیوں پر آواز اٹھانے اور خاموشی ختم کرنے کا مطالبہ کر دیا۔
تفصیلات کے مطابق عمران خان کی سابقہ اہلیہ جمائما خان نے سوشل میڈيا پر اپنے پیغام میں کہا کہ عمران خان 3 سال سے سیاسی انتقام کا نشانہ بن رہے ہيں اور طویل عرصے سے قید تنہائی میں ہیں۔
یہ بھی پڑھیں: عمران خان کی ہسپتال منتقلی، توہین عدالت کی درخواست پر اعتراض
انہوں نے برطانوی حکومت سے مطالبہ کیا کہ وہ بانی پی ٹی آئی کی قید اور مبینہ انسانی حقوق کی خلاف ورزیوں پر آواز اٹھائيں اور خاموشی ختم کریں۔
جمائما خان نے لکھا کہ اس معاملے پر سپریم کورٹ کے حکم پر بھی عمل نہیں ہورہا، جمائما نے برطانوی حکومت پر زور دیا کہ وہ عمران خان کے بنیادی انسانی حقوق کے تحفظ کے لیے اب کھل کر اور واضح طور پر آواز اٹھائے۔
