وزیراعظم کی ڈیزل سستا کرنے کیلئے فوری اقدامات کی ہدایت

وزیراعظم سے وزیر پیٹرولیم علی پرویز نے ملاقات کی، جس میں وزیر اطلاعات و نشریات عطا اللہ تارڑ، وزیر اقتصادی امور احد خان چیمہ، وزیر موسمیاتی تبدیلی ڈاکٹر مصدق ملک اور رکن قومی اسمبلی حمزہ شہباز شریف بھی شریک ہوئے۔

ملاقات میں وزیراعظم نے وزیر پیٹرولیم کو فوری کراچی پہنچنے کی ہدایت کی اور مقامی ریفائنریز میں تیار ہونے والے ڈیزل کی قیمت کم کرنے کے لیے اقدامات یقینی بنانے پر زور دیا۔

یہ بھی پڑھیں: وزیر اعلیٰ پنجاب نے بسنت کی تاریخوں کا اعلان کر دیا 

شہباز شریف نے کہا کہ ڈیزل کا زیادہ تر حصہ مقامی ریفائنریز میں تیار ہوتا ہے، اس لیے قیمتوں میں کمی کیلئے ریفائنریز کے ساتھ مذاکرات جلد از جلد مکمل کیے جائیں۔

وزیراعظم نے ہدایت کی کہ جس قدر ممکن ہو عوام کو ریلیف فراہم کیا جائے اور اس سلسلے میں تمام ضروری اقدامات تیزی سے مکمل کیے جائیں۔