ڈیوڈ وارنر کو شراب پی کر ڈرائیونگ مہنگی پڑ گئی
سڈنی کی عدالت کے مطابق ڈیوڈ وارنر ایسٹر کے موقع پر ایک تقریب سے اپنے اہل خانہ کو گھر لے کر جارہے تھے کہ راستے میں سانس کے ذریعے شراب کی جانچ کیلئے قائم چیک پوسٹ دیکھ کر انہوں نے گاڑی روک دی۔
رپورٹس کے مطابق وارنر نے پولیس کی کارروائی سے بچنے کیلئے ایک خاتون مسافر کے ساتھ نشست تبدیل کرنے کی کوشش بھی کی تھی۔
عدالت نے سابق کرکٹر پر 1500 آسٹریلوی ڈالر جرمانہ عائد کردیا، وارنر نے اپریل میں گرفتاری کے بعد عدالت میں اپنے جرم کا اعتراف کیا تھا۔
یہ بھی پڑھیں:13 لاکھ سعودی ریال میں فروخت ہونے والا شاہین
جج کلیئر فارنان نے ریمارکس دیے کہ وارنر کے دوبارہ ایسا جرم کرنے کا امکان کم ہے تاہم نیو ساؤتھ ویلز میں سڑک حادثات کی ایک اہم وجہ اب بھی شراب پی کر ڈرائیونگ ہے۔
عدالت نے قرار دیا کہ گاڑی میں بچوں کی موجودگی کے باعث معاملہ مزید سنگین ہوگیا تاہم وارنر کو اپنی گاڑی میں انٹرلاک ڈیوائس نصب کرانے کی بھی پابندی ہوگی، جو جسم میں الکحل کی موجودگی محسوس ہونے پر گاڑی اسٹارٹ ہونے سے روک دے گی۔
