13 لاکھ سعودی ریال میں فروخت ہونے والا شاہین

سعودی خبررساں ایجنسی کے مطابق نیلامی کے ساتویں روز کینیڈا کے ایک فارم کے دو باز مجموعی طور پر 14 لاکھ 50 ہزار سعودی ریال میں فروخت ہوئے۔

پہلے جِیر فالکن بچے کی بولی 40 ہزار ریال سے شروع ہوئی جو بالآخر ایک لاکھ 50 ہزار ریال میں فروخت ہوا جبکہ دوسرے جِیر فالکن بچے کی بولی 2 لاکھ ریال سے شروع ہوئی اور خریداروں کے درمیان شدید مقابلے کے بعد یہ 13 لاکھ ریال میں فروخت ہوا۔

واضح رہے کہ گزشتہ سال اس نیلامی میں امریکی فارم کا ایک سپر وائٹ جِیر فالکن 12 لاکھ ریال میں فروخت ہوا تھا۔

خبررساں ایجنسی کے مطابق یہ بین الاقوامی نیلامی 25 اگست تک جاری رہے گی جسے مختلف ٹیلی ویژن چینلز اور نیشنل سینٹر فار فالکنز کے سوشل میڈیا اکاؤنٹس پر براہ راست نشر کیا جارہا ہے۔