کراچی ایئرپورٹ پر شعبہ کمرشل کی آمدنی میں ریکارڈ اضافہ
اے اے ذرائع کے مطابق کراچی ایئرپورٹ پر شعبہ کمرشل کی سالانہ آمدنی 10 ارب روپے سے تجاوز کر گئی ہے، جبکہ شعبہ کمرشل کی ماہانہ آمدنی بھی 83 کروڑ 33 لاکھ روپے سے زائد ہو گئی ہے۔
ذرائع کا کہنا ہے کہ کراچی ایئرپورٹ پر شعبہ کمرشل کی آمدنی میں اضافے کے لیے خصوصی اقدامات کیے گئے، جن کے نتیجے میں بڑے برانڈز نے ایئرپورٹ پر سرمایہ کاری کی اور کمرشل سرگرمیوں میں اضافہ ہوا۔
پی اے اے ذرائع کے مطابق 2023 میں کراچی ایئرپورٹ پر شعبہ کمرشل کی سالانہ آمدنی تقریباً 5 ارب روپے تھی، جو اب بڑھ کر 10 ارب روپے سے تجاوز کر گئی ہے۔ یوں گزشتہ چند برسوں کے دوران شعبہ کمرشل کی آمدنی میں نمایاں اضافہ ریکارڈ کیا گیا ہے۔
ذرائع کے مطابق کراچی ایئرپورٹ پر شعبہ کمرشل حکام کی مؤثر حکمت عملی اور نئے کاروباری مواقع پیدا کرنے کے اقدامات کے باعث بڑے برانڈز نے سرمایہ کاری میں دلچسپی ظاہر کی، جس سے آمدنی میں خاطر خواہ اضافہ ہوا۔
یہ بھی پڑھیں: بینظر انکم سپورٹ پروگرام کے اہل افراد کیلئے بڑی خوشخبری
پی اے اے ذرائع نے مزید بتایا کہ کراچی ایئرپورٹ پر کمرشل سرگرمیوں کے فروغ اور مزید سرمایہ کاری کے اقدامات جاری ہیں، جس کے باعث آئندہ دنوں میں پاکستان ایئرپورٹ اتھارٹی کے شعبہ کمرشل کی آمدنی میں مزید اضافے کی توقع ہے۔
