نظم و ضبط کی خلاف ورزی، پیپلز پارٹی نے 10 رہنماؤں کو پارٹی سے نکال دیا
ذرائع کے مطابق الیکشن 2026 کے دوران پارٹی فیصلوں اور نظم و ضبط کے خلاف ورزی پر یہ کاروائی کی گئی ہے، پیپلز پارٹی آزاد کشمیر کے صدر چوہدری یاسین نے متعلقہ رہنماؤں کی رکنیت ختم کرنے کے احکامات جاری کیے۔
پارٹی سے فارغ کیے جانے والوں میں مرکزی نائب صدور خواجہ طارق سعید ایڈووکیٹ اور سردار عنایت اللہ عارف شامل ہیں جبکہ ضلع حویلی کے صدر شیخ خورشید کی رکنیت بھی ختم کر دی گئی ہے۔
ایل اے 44 ویلی راولپنڈی کے سابق ٹکٹ ہولڈر حمزہ مجید ہازمی کو بھی پارٹی سے نکال دیا گیا ہے، کوٹلی سے ملک یوسف اور رشید بانینان جبکہ سدھنوتی کے سابق ٹکٹ ہولڈر سردار رئیس انقلابی کے خلاف بھی کارروائی کی گئی۔
یہ بھی پڑھیں: وزیر داخلہ بلوچستان کے قافلے پر حملہ، 3 پولیس اہلکار زخمی
سابق جنرل سیکرٹری پیپلز پارٹی سٹی میرپور راجہ ذوالفقار ذلفی، پیپلز پارٹی میرپور ڈویژن کے جنرل سیکرٹری چوہدری عبد الرحمان ایڈوکیٹ اور جموں کے نائب صدر شوکت وزیر علی کی رکنیت بھی ختم کر دی گئی ہے۔
پارٹی ذرائع کے مطابق کاروائی کا نوٹیفکیشن چیئرمین بلاول بھٹو زرداری سمیت متعلقہ قیادت کو ارسال کردیا گیا ہے۔
