وزیر داخلہ بلوچستان کے قافلے پر حملہ، 3 پولیس اہلکار زخمی

پولیس کے مطابق واقعہ مستونگ کے علاقے کھڈکوچہ گرو میں اس وقت پیش آیا جب وزیر داخلہ میر ضیاء لانگو کا قافلہ قلات سے کوئٹہ جا رہا تھا۔ اس دوران نامعلوم مسلح افراد نے قافلے پر اچانک فائرنگ کر دی۔

یہ بھی پڑھیں: جشنِ آزادی کی خوشیاں فائرنگ کی نذر، 94 افراد زخمی

حملے کے بعد سیکیورٹی اہلکاروں نے فوری طور پر جوابی کارروائی کی، جس کے نتیجے میں دونوں جانب فائرنگ کا تبادلہ ہوا۔ فائرنگ کے دوران 3 پولیس اہلکار زخمی ہوگئے۔

زخمی اہلکاروں کو فوری طور پر شہید نواب غوث بخش رئیسانی ہسپتال منتقل کر دیا گیا، جہاں انہیں طبی امداد فراہم کی جا رہی ہے۔

واقعے کے بعد سیکیورٹی فورسز نے علاقے کو گھیرے میں لے کر حملہ آوروں کی تلاش کے لیے سرچ آپریشن شروع کر دیا ہے، جبکہ حملے کی مزید تحقیقات جاری ہیں۔