حج 2027: پی او سی ہولڈرز کیلئے حج کی راہ کھل گئی
پی او سی کے حامل افراد کو پاکستان کے حج کوٹے پر سرکاری و نجی دونوں اسکیموں سے فائیدہ اٹھانے کی اجازت ہوگی/فائل فوٹو
Updated 14 گھنٹے قبل | Published August, 13 2026 |
اسلام آباد:(ویب ڈیسک) پاکستان نژاد کارڈ رکھنے والے افراد پہلی بار پاکستان کوٹے پر فریضہ حج ادا کرنے کے اہل ہو گئے ہیں جہاں انہیں سرکاری و نجی دونوں اسکیموں سے فائیدہ اٹھانے کی اجازت ہوگی۔
ذرائع کے مطابق سعودی عرب نے پاکستانی نژاد کارڈ (پی او سی) کے حامل افراد کو پاکستان کے حج کوٹے میں شامل کرنے کی اجازت دے دی ہے، جس کے تحت 1 ہزار 792 افراد پہلی مرتبہ پاکستانی کوٹے پر حج کر سکیں گے۔
ذرائع کا کہنا ہے کہ پی او سی ہولڈرز کے لیے پاکستان کے مجموعی حج کوٹے کا ایک فیصد مختص کیا جائے گا جبکہ یہ افراد سرکاری و نجی دونوں حج اسکیموں کے ذریعے فریضہ ادا کر سکیں گے۔
یہ بھی پڑھیں: حج کے خواہشمندوں کے لئے بڑی خوشخبری
اس فیصلے کے تحت ایسے بیرون ملک مقیم پاکستانی نژاد افراد کو بھی حج کی سہولت مل سکے گی جنہوں نے اپنی پاکستانی شہرت اور پاسپورٹ ترک کر رکھا ہے۔
ذرائع کے مطابق پی او سی رکھنے والوں کو پاکستانی حج کوٹے میں شامل کرنے کی یہ سہولت پہلی مرتبہ فراہم کی گئی ہے۔
