خانیوال: 3 دن کی دلہن غیرت کے نام پر قتل

پولیس حکام کے مطابق مقتولہ اقراء نے 3 روز قبل پسند کی شادی کی تھی، واقعے کے روز اس کے والد فلک شیر نے سسرال والوں سے کہا کہ بیٹی کی رخصتی گھر سے کریں گے اور اسے اپنے ساتھ لے گیا۔

پولیس کے مطابق گھر پہنچنے کے بعد فلک شیر نے مبینہ طور پر اپنے 2 بیٹوں اور ایک اور بیٹے کے ساتھ مل کر اقراء کے گلے میں پھندا ڈال دیا جس سے وہ جاں بحق ہوگئی۔

یہ بھی پڑھیں: پرائیویٹ ورکشاپس سے ٹرانسفارمرز کی مرمت پر پابندی

واقعے کی اطلاع ملنے پر پولیس نے کاروائی کرتے ہوئے مقتولہ کے والد فلک شیر کو گرفتار کر لیا جبکہ مقتولہ کے شوہر کی مدعیت میں لڑکی کے والد اور 3 بیٹوں کے خلاف مقدمہ درج کر لیا گیا ہے۔

پولیس کا کہنا ہے کہ واقعے کی مزید تحقیقات جاری ہیں اور مقدمے میں نامزد دیگر ملزمان کی گرفتاری کیلئے بھی کاروائی کی جارہی ہے۔