پاکستان گڈز ٹرانسپورٹ اتحاد کا ہڑتال کا اعلان
آل پاکستان گڈز ٹرانسپورٹ اتحاد نے غیر معینہ مدت تک کے لیے ہڑتال کا اعلان کیا/ فائل فوٹو
Updated | Published August, 8 2026 |
کراچی (ویب ڈیسک) آل پاکستان گڈز ٹرانسپورٹ اتحاد نے آج سے غیر معینہ مدت تک کے لیے ہڑتال کا اعلان کر دیا۔
صدر آل پاکستان گڈز ٹرانسپورٹ اتحاد ملک شہزاد اعوان نے نجی ٹی وی چینل سے غیر معینہ مدت کی ہڑتال کی تصدیق کرتے ہوئے کہا کہ وفاقی حکومت نے پیر کو ٹرانسپورٹ اتحاد کو اجلاس کے لیے طلب کیا ہے۔
یہ بھی پڑھیں: ایل پی جی کی قیمت 400 روپے سے تجاوز کر گئی
ملک شہزاد اعوان کا کہنا تھا حکومت سے ملاقات کے لیے ٹرانسپورٹ اتحاد کی کمیٹی بنا دی ہے، اجلاس کے بعد آئندہ کے لائحہ عمل کے اعلان تک ہڑتال جاری رہے گی۔
انہوں نے بتایا کہ گڈز ٹرانسپورٹ اتحاد کے کمشنرآفس میں مذاکرات ناکام ہوگئے تھے۔
آل پاکستان گڈز ٹرانسپورٹ اتحاد کی جانب سے پیٹرول اور ڈیزل کی قیمتوں میں اضافے، پیٹرولیم مصنوعات کی قیمتوں کے یومیہ بنیادوں پر تعین اور ٹرانسپورٹ سیکٹر پر 7 فیصد ود ہولڈنگ ٹیکس کے نفاذ کے خلاف بطور احتجاج ہڑتال کی جا رہی ہے۔
