جوڈیشل افسران کے ٹرانسپورٹ الاؤنس میں اضافہ
ہائی کورٹ: جوڈیشل افسران کے ٹرانسپورٹ الاؤنس میں بڑے اضافے کا اعلان
اسلام آباد:(ویب ڈیسک) اسلام آباد ہائی کورٹ نے گریڈ 17 سے 22 تک کے جوڈیشل اور ہائی کورٹ افسران کے ٹرانسپورٹ مونیٹائزیشن الاؤنس میں نمایاں اضافہ کر دیا ہے۔
نوٹیفکیشن کے مطابق یہ منظورِی چیف جسٹس سرفراز ڈوگر کی ہدایت پر دی گئی ہے جس کے بعد رجسٹرار اسلام آباد ہائی کورٹ نے نئے الاونسز
کا باضابطہ اعلان کیا ہے۔
اعلامیے کے مطابق گریڈ 17 سے گریڈ 22 تک کے افسران کے ٹرانسپورٹ الاؤنس میں اضافہ کر دیا گیا ہے جبکہ نئے نرخوں کا اطلاق یکم جولائی 2026 سے ہوگا۔
نئے شیڈول کے تحت گریڈ 22 کے افسران کو ماہانہ 2 لاکھ ہزار 50 ہزار روپے ٹرانسپورٹ مونیٹائزیشن الاؤنس دیا جائے گا جبکہ گریڈ 21 کے افسران 1 لاکھ 95 ہزار روپے ماہانہ وصول کریں گے۔
یہ بھی پڑھیں: حکومت کا شادی کرنے والی خواتین کو سونے کا سکہ دینے کا اعلان
اسی طرح گریڈ 20 کے افسران کے لیے الاؤنس 2 لاکھ 75 ہزار روپے، گریڈ 19 کے لیے 1 لاکھ 50 ہزار روپے، گریڈ 18 کے لیے 1 لاکھ روپے اور گریڈ 17 کے افسران کے لیے 60 ہزار روپے ماہانہ مقرر کیا گیا ہے۔
نوٹیفکیشن میں واضح کیا گیا ہے کہ ان الاؤنسز کی ادائیگی مالی سال 2026 تا 2027 کے دوران اسلام اباد ہائی کورٹ اور ڈسٹرکٹ جوڈیشری اسلام اباد کے مختص بجٹ سے کی جائے گی۔
