پی ٹی آئی رہنما عبداللہ طاہر قتل کیس کی تفتیش سی سی ڈی کے سپرد
پولیس ذرائع کے مطابق شوٹرز کی شناخت اور کیس میں سامنے آنے نئی معلومات کے بعد تفتیش سی سی ڈی ماڈل ٹاؤن منتقل کرنے کا فیصلہ کیا گیا۔
ذرائع کا کہنا ہے کہ مرکزی شوٹر ارسلان جٹ اپنی گاڑی میں دیگر ملزمان کو گوجرانولہ سے لاہور لایا تھا جبکہ قتل کی منصوبہ بندی کرنے والا مبینہ ملزم کوگی بٹ ملک سے فرار ہوچکا ہے۔
پولیس کے مطابق کوگی بٹ کی بیرون ملک سے گرفتاری کے لیے ریڈ وارنٹ جاری کرانے کی کاروائی شروع کر دی گئی ہے تاکہ اسے قانون کے کٹہرے میں لایا جا سکے۔
ذرائع نے بتایا کہ کیس کی تفتیش اب ڈی ایس پی سی، سی سی ڈی حسنین حیدر ان کی ٹیم کرے گی جبکہ اس سے قبل مقدمہ تھانہ غالب مارکیٹ کی انویسٹی گیشن پولیس کے پاس تھا۔
یہ بھی پڑھیں:عبداللہ طاہر قتل کیس میں مبینہ مرکزی ملزم کی شناخت ہو گئی
سی سی ڈی حکام کا کہنا ہے کہ تمام شواہد اور ملزمان کے کردار کا از سرنو جائزہ لیا جارہا ہے تاکہ قتل میں ملوث تمام افراد کو گرفتار کرکے انصاف کے کٹہرے میں لایا جا سکے۔
