سپریم کورٹ: فوت شدہ ریٹائرڈ ملازمین کی پنشن کی قانونی حق دار بیوہ، بہن بھائی نہیں
چیف جسٹس پاکستان یحییٰ آفریدی کی سربراہی میں جاری کیے گئے چار صفحات پر مشتمل فیصلے میں عدالت نے پنشن سے متعلق قوانین اور متعلقہ اداروں کے قواعد و ضوابط کی تشریح کرتے ہوئے کہا کہ پنشن کی ادائیگی صرف انہی افراد کو کی جا سکتی ہے جنہیں قانون یا ادارے کے قواعد کے مطابق اس کا حق حاصل ہو۔
عدالتی فیصلے کے مطابق فوت شدہ ریٹائرڈ ملازم کی پنشن اور مراعات کو عام وراثتی جائیداد تصور نہیں کیا جا سکتا، بلکہ اس کی ادائیگی متعلقہ قوانین اور ادارہ جاتی قواعد کے مطابق ہی ہوگی۔ عدالت نے قرار دیا کہ صرف قانونی وارث ہونے کی بنیاد پر بہن بھائی پنشن کے حق دار نہیں بن جاتے۔
واضح رہے کہ سپریم کورٹ نے یہ فیصلہ فوت شدہ پیسکو کے ایک ریٹائرڈ ملازم کے بہن بھائیوں کی جانب سے دائر اپیل پر سنایا۔ درخواست گزاروں نے وراثت نامے کی بنیاد پر پنشن اور مراعات پر حق کا دعویٰ کیا تھا، تاہم عدالت نے ان کی اپیل مسترد کرتے ہوئے پشاور ہائی کورٹ کا فیصلہ برقرار رکھا۔
یہ بھی پڑھیں:سابق سینیٹر مشتاق احمد خان کو پولیس نے گرفتار کر لیا
عدالت نے اپنے فیصلے میں اس بات پر بھی زور دیا کہ پنشن کی تقسیم یا ادائیگی کے معاملات کو متعلقہ قوانین، سروس رولز اور ادارہ جاتی ضوابط کے مطابق ہی نمٹایا جائے گا۔
