ن لیگ کے سینئر رہنما اور ایم این اے ملک محمد اقبال چنڑ انتقال کرگئے
لیگی ایم این اے کے اہل خانہ نے ملک محمد اقبال چنڑ کے انتقال کی تصدیق کرتے ہوئے بتایا کہ وہ کئی ہفتوں سے علیل تھے۔
اہل خانہ کے مطابق محمد اقبال چنڑ کو برین ہمریج ہوا تھا اور ان کا آپریشن کیا گیا تھا۔
خیال رہے کہ مرحوم ملک محمد اقبال چنڑ ڈپٹی اسپیکر پنجاب اسمبلی ملک ظہیر اقبال چنڑ کے والد تھے۔
یہ بھی پڑھیں: پی ٹی آئی رہنما عبداللہ طاہر کے شوٹرز کی شناخت نہ ہوسکی
سپیکر پنجاب اسمبلی ملک محمد احمد خاں نے ڈپٹی سپیکر ملک ظہیر اقبال چنڑ کے والد رکنِ قومی اسمبلی ملک محمد اقبال چنڑ کے انتقال پر گہرے دکھ اور افسوس کا اظہار کیا۔
سپیکر ملک محمد احمد خاں نے مرحوم کی مغفرت، بلندیٔ درجات اور اہلِ خانہ کے لیے صبرِ جمیل کی دعا کی۔
ملک محمد احمد خاں کا کہنا تھا کہ رکنِ قومی اسمبلی ملک محمد اقبال چنڑ کی سیاسی و عوامی خدمات ہمیشہ یاد رکھی جائیں گی، اس دکھ کی گھڑی میں ڈپٹی سپیکر ملک ظہیر اقبال چنڑ اور اہلِ خانہ کے غم میں برابر کے شریک ہیں۔
