طلبہ کیلئے اہم خبر، 4 اگست کو سندھ بھر کے تعلیمی ادارے بند رہیں گے
محکمہ اسکول ایجوکیشن سندھ کی جانب سے جاری نوٹیفکیشن کے مطابق 4 اگست 2026 بروز منگل 20 صفر 1148 ہجری کو صوبے کے تمام سرکاری اور نجی اسکول بند رہیں گے جب کہ سندھ کے سرکاری اور نجی کالجز بھی بند رہیں گے اور اس فیصلے کا اطلاق سندھ بھر کے تمام تعلیمی اداروں پر ہوگا۔
یہ بھی پڑھیں: امریکا کی ٹاپ 100 یونیورسٹیوں میں پی ایچ ڈی اسکالرشپ
اعلامیے میں کہا گیا ہے کہ تعطیل چہلم حضرت امام حسین رضی اللّٰہ عنہ کے سلسلے کی جارہی ہے جس کے باعث اس روز تعلیمی سرگرمیاں معطل رہیں گی۔
حکام نے تمام متعلقہ اداروں اور انتظامیہ کو ہدایت کو جاری کر دی ہے کہ نوٹیفکیشن پر مکمل عملدرآمد یقینی بنایا جائے۔
یاد رہے کہ موسم گرما کی تعطیلات ختم ہونے کے بعد صوبے بھر میں تعلیمی ادارے 3 اگست 2026 سے دوبارہ کھل رہیں ہیں تاہم اگلے ہی روز 4 اگست کو سرکاری تعطیل کے باعث طلبہ کو ایک اور چھٹی مل جائے گی۔
