لاہور: خراب سینڈوچ پر جھگڑا، خاتون سے مبینہ تشدد کا مقدمہ درج
پولیس کے مطابق واقعہ اس وقت پیش آیا جب خاتون خریدے گئے خراب سینڈوچ کی واپسی کیلئے بیکری پہنچیں تاہم عملے نے سینڈوچ واپس لینے سے انکار کر دیا، جس پر دونوں فریقوں کے درمیان تلخ کلامی ہوگئی۔
یہ بھی پڑھیں: وہاڑی: 18 سالہ نوجوان پر مسجد کے باہر قاتلانہ حملہ
ابتدائی تحقیقات اور سامنے آنے والی سی سی ٹی وی فوٹیج کے مطابق جھگڑے کے دوران خاتون نے کیش کاؤنٹر کے قریب رکھا ایک ڈبہ نیچے گرا دیا اور کیشیئر کو تھپڑ مارا، جس کے بعد کیشیئر نے بھی مبینہ طور پر خاتون پر تشدد کیا۔
لاہور، گلشن راوی کے علاقہ میں خراب سینڈوچ کی واپسی کے معاملے پر جھگڑا، خاتون نے مالمو بیکری ملازم کو تھپڑا مارا جس کے بعد ملازم نے خاتون پر تھپڑوں کی بارش کردی،ایف آئی آر درج، خاتون کے مطابق اس کے کپڑے بھی پھاڑے گئے۔ pic.twitter.com/cguwp3soOs
— Muhammad Umair (@MohUmair87) July 17, 2026
دوسری جانب متاثرہ خاتون کا کہنا ہے کہ انہوں نے کسی قسم کی پہل نہیں کی بلکہ بیکری عملے نے پہلے بدتمیزی، گالم گلوج اور پھر ان پر تشدد کیا۔
پولیس کا کہنا ہے کہ واقعے کا مقدمہ تھانہ گلشن راوی میں درج کر لیا گیا ہے جبکہ بیکری کے کیشیئر نے گرفتاری سے بچنے کیلئے عدالت سے عبوری ضمانت حاصل کر لی ہے، حکام کے مطابق واقعے کے تمام پہلوؤں کا جائزہ لے کر مزید قانونی کارروائی عمل میں لائی جائے گی۔
