بی آئی ایس پی ادائیگیاں صرف ڈیجیٹل والٹ سے ہونگی: وزیر خزانہ
سینیٹ کی قائمہ کمیٹی برائے خزانہ کے اجلاس میں گفتگو کرتے ہوئے وزیر خزانہ محمد اورنگزیب کا کہنا تھا کہ بے نظیر انکم سپورٹ پروگرام کی تمام ادائیگیاں ڈیجیٹل کی جا رہی ہیں ، حکومت بی آئی ایس پی سمیت دیگر اداروں میں ٹیکنالوجی کا استعمال کر رہی ہے۔
انہوں نے مزید کہا کہ بی آئی ایس پی رقوم کی وصولی کے دوران گزشتہ برس ایک ناخوشگوار واقعہ پیش آیا۔
اجلاس کے دوران بے نظیر انکم سپورٹ پروگرام میں مزید ملازمین کی بھرتی کا معاملہ بھی زیر بحث آیا۔
اس موقع پر کمیٹی رکن سینیٹر طلحہ محمود نے کہا کہ وزیر خزانہ کو سپورٹ کرتا ہوں لوگوں کے لیے سرکاری ملازمت نعمت بن چکی ہے۔
یہ بھی پڑھیں: ملک کے مختلف شہروں میں پٹرولیم مصنوعات کی قلت کا خدشہ
چیئر پرسن بی آئی ایس پی سینیٹر روبینہ خالد نے بتایا کہ بی آئی ایس پی کے اپنے کوئی ملازمین نہیں ہیں ، بی آئی ایس پی میں ڈیپوٹیشن پر ملازمین کو تعینات کیا جاتا ہے ، ڈیجیٹل ادائیگیاں بینکس کے ذریعے ہو رہی ہیں۔
ان کا مزید کہنا تھا کہ بی آئی ایس پی کے آپریشنز کے ملازمین کی ضرورت ہے ، یہ سن کر حیرانی ہو رہی ہے کہ بی آئی ایس پی کو مزید ملازمین کی ضرورت نہیں ہے۔
