حکومت اور پاکستان تحریک انصاف مذاکرات پر آمادہ
نجی ٹی وی کے پروگرام میں گفتگو کے دوران وزیر مملکت بیرسٹر عقیل ملک نے تحریکِ انصاف کو باضابطہ مذاکرات کی دعوت دی اور یقین دہانی کرائی کہ وہ آج ہی اسپیکر قومی اسمبلی سردار ایاز صادق سے رابطہ کرکے مذاکراتی عمل شروع کرنے کی در کریں گے۔
یہ بھی پڑھیں: جماعت اسلامی کے مقامی رہنما فائرنگ سے جاں بحق
تحریک انصاف کے رہنما عباس اعوان نے حکومتی پیشکش فوری طور پر قبول کرتے ہوئے کہا کہ ان کی جماعت مذاکرات کے لیے تیار ہے، انہوں نے پروگرام کے میزبان کو بھی اس اتفاق کا گواہ بنایا۔
شفقت عباس اعوان نے کہا کہ وہ محمود خان اچکزئی، راجا ناصر عباس اور تحریک انصاف کی سینئر قیادت کے ساتھ اسپیکر آفس یا جس مقام کا تعین کیا جائے وہاں مذاکرات شرکت کریں گے۔
دونوں جانب سے اس پیش رفت کو سیاسی کشیدگی کم کرنے اور مسائل کے حل کیلئے بات چیت کی جانب ایک مثبت قدم قرار دیا جارہا ہے۔
