750 روپے کے پرائز بانڈ کی قرعہ اندازی، خوش نصیبوں کا اعلان
تفصیلات کے مطابق 750 روپے کے پرائز بانڈ کی قرعہ اندازی لاہور میں منعقد کی گئی، جس میں مختلف انعامات کیلئے بانڈ نمبرز کا انتخاب کیا گیا، قرعہ اندازی کے نتائج کا اعلان نیشنل سیونگز سینٹر کی جانب سے کیا گیا ہے۔
اعلان کے مطابق 15 لاکھ روپے مالیت کا پہلا انعام پرائز بانڈ نمبر 976106 رکھنے والے خوش نصیب کے نام نکلا ہے۔
جبکہ 5 لاکھ روپے مالیت کے تین انعامات کیلئے جن بانڈ نمبرز کا انتخاب کیا گیا ان میں 350211، 604285 اور 607262 شامل ہیں۔
اس کے علاوہ 9300 روپے مالیت کے 1696 انعامات بھی قرعہ اندازی میں شامل کیے گئے ہیں، جن کے حقدار افراد کی مکمل فہرست نیشنل سیونگز کی جانب سے جاری کی جائے گی۔
نیشنل سیونگز کے مطابق انعامی رقم حاصل کرنے والے افراد کو مکمل رقم ادا نہیں کی جائے گی بلکہ حکومتی قوانین کے تحت ٹیکس کی کٹوتی کے بعد رقم فراہم کی جائے گی۔
یہ بھی پڑھیں:لیاری میں جماعت اسلامی کے دفتر پر دستی بم حملہ
ٹیکس فائلر افراد کیلئے انعامی رقم پر 15 فیصد ود ہولڈنگ ٹیکس جبکہ نان فائلرز کیلئے 30 فیصد ٹیکس کی کٹوتی کی جائے گی۔
پرائز بانڈ رکھنے والے شہری نیشنل سیونگز کے مقررہ طریقہ کار کے مطابق اپنے انعامات وصول کر سکیں گے۔
