کم عمر بچی کا نکاح پڑھانے سے انکار پر مولوی پر تشدد

تفصیلات کے مطابق کراچی کے علاقے گگھر پھاٹک کے قریب کم عمر بچی کا نکاح پڑھانے سے انکار کرنے پر ایک مولوی کو تشدد کا نشانہ بنا دیا گیا، واقعے کا مقدمہ تھانہ سٹیل ٹاؤن میں پانچ ملزمان کے خلاف درج کر لیا گیا ہے۔

مقدمے کے متن میں کہا گیا کہ مدعی نے مؤقف اختیار کیا کہ کم عمر بچی کا نکاح پڑھانے سے انکار پر انہیں تشدد کا نشانہ بنایا گیا۔

یہ بھی پڑھیں: عالمی و ملکی صرافہ مارکیٹوں میں سونے کی قیمت میں بڑی کمی

متاثرہ مولوی سعود احمد شر نے بتایا کہ نکاح کے وقت جب انہوں نے بچی کی عمر دریافت کی تو انہیں بتایا گیا کہ اس کی عمر 14 سال ہے، جبکہ دلہے کی عمر تقریباً 40 سال تھی تو میں نے نکاح پڑھانے سے انکار کر دیا۔

متاثرہ مولوی کا کہنا تھا کہ کہ قانون کے مطابق نکاح کے لیے مقررہ عمر 18 سال ہے، اس لیے انہوں نے کم عمر بچی کا نکاح پڑھانے سے انکار کیا۔