لاہور: اچھرہ میں ٹیوشن سینٹر سے 10 سالہ بچی کی لاش برآمد
ذرائع کا کہنا ہے کہ ٹیوشن سنیٹر میں 10 سالہ بچی کو مبینہ طور پر زیادتی کے بعد قتل کیا گیا۔
پولیس کے مطابق بچی نعیمہ گھر سے ٹیوشن پڑھنے گئی، ٹیوشن سنیٹر کے واش روم میں بچی کی لاش پائی گئی ، ٹیوشن سنیٹر گھر میں بنایا گیا تھا۔
واقعہ کی اطلاع ملتے ہی پولیس کی نفری موقع پر پہنچ گئی اور واقعہ کی قانونی کارروائی کا آغاز کر دیا، پولیس کے مطابق تفتیش میں مزید حقائق سامنے آئیں گے۔
ایس پی ماڈل ٹاؤن اسد علی نفری کے ہمراہ موقع پر پہنچے، اے ایس پی گلبرگ نے ایس پی ماڈل ٹاؤن کو حقائق بارے آگاہ کیا۔
یہ بھی پڑھیں: ضلعی انتظامیہ کا غیر قانونی ٹیوشن سنٹرز بند کرنے کا حکم
ایس پی ماڈل ٹاؤن اسد علی کا کہنا تھا کہ 10 سالہ نعیمہ گھر سے ٹیوشن سینٹر گئی تھی جبکہ سنیٹر کے واش روم میں مردہ حالت میں ملی، بچی کی لاش کو پوسٹ مارٹم کیلئے مردہ خانے منتقل کر دیا گیا ہے۔
اسد علی نے کہا کہ واقعے کی تحقیقات کا آغاز کر دیا گیا ہے، واقعے کے محرکات کا تعین مزید تحقیقات سے ہو گا۔
