بجلی کی قیمتوں میں نمایاں اضافہ متوقع
تفصیلات کے مطابق بجلی صارفین کے لیے ایک اور مہنگائی کی خبر سامنے آگئی، جہاں فیول پرائس ایڈجسٹمنٹ کی مد میں بجلی ایک روپے 72 پیسے فی یونٹ مہنگی کرنے کی تجویز دی گئی ہے۔
سینٹرل پرچیزنگ پاور ایجنسی (سی پی پی اے) نے اپریل کے ماہانہ فیول چارجز ایڈجسٹمنٹ کے تحت قومی الیکٹرک پاور ریگولیٹری اتھارٹی (نیپرا) میں درخواست جمع کرا دی، جس پر آج سماعت ہوگی۔
درخواست کے مطابق بجلی کی پیداواری لاگت میں اضافے کے باعث صارفین سے اضافی وصولی کی تجویز دی گئی، اگر نیپرا یہ درخواست منظور کرتا ہے تو اس کا اطلاق کے الیکٹرک سمیت ملک بھر کی تمام بجلی تقسیم کار کمپنیوں کے صارفین پر ہوگا۔
توانائی شعبے کے ماہرین کا کہنا ہے کہ مجوزہ اضافے سے گھریلو، تجارتی اور صنعتی صارفین کے ماہانہ بلوں میں مزید اضافہ ہو سکتا ہے جبکہ پہلے سے مہنگائی کے دباؤ کا سامنا کرنے والے شہریوں پر مالی بوجھ بڑھنے کا خدشہ ہے۔
یہ بھی پڑھیں:نادرا نے نیا برتھ نوٹیفکیشن ٹول متعارف کرا دیا
نیپرا سماعت کے دوران درخواست کا جائزہ لے گا جس کے بعد بجلی کی قیمتوں میں ردوبدل سے متعلق حتمی فیصلہ جاتی کیا جائے گا۔
