آئی ایم ایف کا بی آئی ایس پی کی رقم 20 ہزار روپے کرنے کا مطالبہ
ذرائع کا بتانا ہے کہ حکومت آئی ایم ایف مشن کے ساتھ بینظیر انکم سپورٹ پروگرام پر مذاکرات کر رہی ، عالمی مالیاتی فنڈ مشن کو بینظیر انکم سپورٹ پروگرام کے تمام آپریشنز سے متعلق بریفنگ دی جا رہی ہے۔
حکومت اور آئی ایم ایف کے درمیان جاری مذاکرات میں بینظیر انکم سپورٹ پروگرام کے سوشل پروٹیکشن سسٹم کا جائزہ لیا جا رہا ہے، بی آئی ایس پی حکام کی جانب سے مشن کو کفالت پروگرام میں رجسٹرڈ ڈیٹا کے حوالے سے تفصیلی بریفنگ دی گئی ہے۔
علاوہ ازیں پروگرام میں خاندانوں کی رجسٹریشن، سہہ ماہی رقم، آئندہ مالی سال کی ضروریات کے حوالے سے بھی مشن کو بریف کیا گیا ہے۔
ذرائع کا کہنا ہےکہ آئی ایم ایف نے بینظیر انکم سپورٹ پروگرام کی رقم 14 ہزار 500 روپے سے بڑھا کر ماہانہ 20 ہزار روپے کرنے کی تجویز دی ہے، آئندہ مالی سال میں کفالت پروگرام کی سہہ ماہی رقم میں اضافہ کیا جائے گا۔
یہ بھی پڑھیں: بے نظیر انکم سپورٹ پروگرام کو صوبوں کے حوالے کرنے کی تجویز
حکومتی ذرائع کا مزید کہنا ہے کہ آئی ایم ایف مشن کے ساتھ آج مجموعی طور پر 4 ملاقاتیں شیڈول ہیں، مشن کی ایک ملاقات بی آئی ایس پی اور تین ایف بی آر حکام کے ساتھ طے ہیں۔
یار رہے کہ عالمی مالیاتی فنڈ (آئی ایم ایف) نے حکومت پاکستان سے سیلز ٹیکس میں ہر قسم کی چھوٹ ختم کرنے کا بھی مطالبہ کیا ہے۔
