ڈرائیونگ لائسنس بنوانے والوں کیلئے حکومت کیلئے بڑی خوشخبری
جس کے تحت شہریوں کو اب ایک ہی دن میں لرننگ اور ریگولر ڈرائیونگ لائسنس فراہم کیے جا رہے ہیں۔
ترجمان ٹریفک پولیس کے مطابق اس اقدام کا مقصد شہریوں کو قانونی طریقے سے ڈرائیونگ کی طرف راغب کرنا اور ٹریفک قوانین پر عملدرآمد کو یقینی بنانا ہے۔
حکام کا کہنا ہے کہ رواں سال پنجاب بھر میں 28 لاکھ 23 ہزار سے زائد موٹر سائیکل لائسنس جاری کیے جا چکے ہیں، جو ایک ریکارڈ تعداد قرار دی جا رہی ہے۔
اعداد و شمار کے مطابق 11 لاکھ سے زائد شہریوں نے ریگولر ڈرائیونگ لائسنس حاصل کیے جبکہ 8 لاکھ سے زیادہ افراد نے اپنے لائسنس کی تجدید کروائی، اسی طرح 8 لاکھ 56 ہزار سے زائد شہریوں نے لرننگ لائسنس کی سہولت سے فائدہ اٹھایا۔
ٹریفک حکام نے مزید بتایا کہ 12 ہزار سے زائد افراد کو انٹرنیشنل ڈرائیونگ لائسنس بھی جاری کیے گئے، جس سے بیرون ملک سفر کرنے والے شہریوں کو سہولت حاصل ہوئی ہے۔
ڈی آئی جی ٹریفک پنجاب محمد وقاص نذیر کا کہنا ہے کہ ٹریفک حادثات میں بڑی تعداد ان موٹر سائیکل سواروں کی ہوتی ہے جو بغیر لائسنس گاڑی چلاتے ہیں، بغیر ڈرائیونگ لائسنس گاڑی چلانا قانونی جرم ہے۔
یہ بھی پڑھیں:16 سے 19 مئی تک بجلی کی بندش، شیڈول سامنے آگیا
انہوں نے شہریوں پر زور دیا کہ جرمانوں اور قانونی کارروائی سے بچنے کیلئے فوری طور پر اپنا ڈرائیونگ لائسنس بنوائیں اور ٹریفک قوانین کی پابندی یقینی بنائیں۔
