16 سے 19 مئی تک بجلی کی بندش، شیڈول سامنے آگیا
ترجمان فیسکو سعید رضا کے مطابق یہ بندش برقی لائنوں کی ضروری مرمت، توسیع و تبدیلی اور گرڈ اسٹیشنز پر مرمتی کام کے باعث کی جا رہی ہے۔ جاری کردہ شیڈول کے مطابق 16 مئی کو صبح 8 بجے سے دوپہر 12 بجے تک 132 کے وی ویلیو ایڈیشن سٹی گرڈ اسٹیشن کے صداقت، گوہر ٹیکسٹائل ملز، نیو احمد جمال ٹیکسٹائل ملز، چاولہ انٹرپرائزز اور ٹرائیکون بیوریجز فیڈر سے بجلی کی سپلائی معطل رہے گی۔ اسی طرح 132 کے وی کھڑریانوالہ گرڈ اسٹیشن کے لاہور روڈ فیڈر بھی متاثر ہوگا۔
17 مئی کو صبح 8 بجے سے دوپہر 1 بجے تک 132 کے وی سمندری روڈ گرڈ اسٹیشن کے چناب گارڈن اور نیامو آنہ فیڈر پر بجلی بند رہے گی۔
یہ بھی پڑھیں: دودھ اور دہی کی قیمتوں میں بڑا اضافہ
18 مئی کو صبح 8 بجے سے دوپہر 1 بجے تک 132 کے وی کمال پور گرڈ اسٹیشن کے متعدد فیڈرز جن میں جیون شاہ، عبداللہ فائبرز، طیب ٹیکسٹائل مل، الرحمان، سرفراز ٹیکسٹائل، طاہر رفیق ٹیکسٹائل، آریان ٹیکسٹائل، کشمیر وڈ، احمد انٹرپرائزز اور المرتضیٰ فیڈر شامل ہیں، متاثر ہوں گے۔ اسی روز 132 کے وی لنڈیانوالہ گرڈ اسٹیشن کے صوفی دی کوٹھی فیڈر اور 132 کے وی ستیانہ گرڈ اسٹیشن کے راوی فیڈر سے بھی بجلی کی سپلائی معطل رہے گی۔
19 مئی کو صبح 8:30 بجے سے دوپہر 12:30 بجے تک 132 کے وی ماموں کانجن گرڈ اسٹیشن کے بنگلہ، خواجہ حبیب اللہ اور المشتاق فیڈر سے بجلی بند رہے گی۔ فیسکو حکام نے شہریوں سے تعاون کی اپیل کرتے ہوئے کہا ہے کہ مرمتی کام کے دوران احتیاط برتی جائے اور متبادل انتظامات کر لیے جائیں۔
