عیدالاضحیٰ: بی آئی ایس پی کی نئی قسط جاری کرنے کا فیصلہ
ذرائع کے مطابق بی آئی ایس پی کی نئی مالی امداد کی ادائیگیاں 18 مئی 2026 سے شروع ہوں گی۔
حکام کا کہنا ہے کہ حکومت کی کوشش ہے کہ مستحق اور کم آمدنی والے خاندان عید سے پہلے اپنی مالی امداد حاصل کر سکیں تاکہ وہ اپنے اہلِ خانہ کے ساتھ خوشیوں بھری عید منا سکیں اور قربانی سمیت دیگر ضروریات پوری کر سکیں۔
ذرائع کے مطابق اس مرحلے میں ملک بھر کے رجسٹرڈ اور اہل خاندانوں کو ادائیگیاں کی جائیں گی جبکہ شفافیت یقینی بنانے کیلئے بائیو میٹرک تصدیق کا عمل بھی جاری رہے گا۔
مستحقین کو ہدایت کی گئی ہے کہ وہ اپنی رجسٹریشن اور شناختی دستاویزات مکمل رکھیں تاکہ ادائیگی کے دوران کسی قسم کی دشواری کا سامنا نہ کرنا پڑے۔
بی آئی ایس پی حکام کے مطابق ادائیگی مراکز، بینکنگ پارٹنرز اور کیمپ سائٹس پر خصوصی انتظامات کیے جا رہے ہیں تاکہ خواتین اور بزرگ افراد کو سہولت فراہم کی جا سکے۔ اس کے علاوہ مستحقین کو موبائل پیغامات کے ذریعے بھی ادائیگی سے متعلق آگاہ کیا جائے گا۔
یہ بھی پڑھیں:شناختی کارڈ بنوانے والے شہریوں کیلئے بڑی خوشخبری
شہریوں کا کہنا ہے کہ عید سے قبل مالی امداد کی فراہمی سے مہنگائی کے دباؤ میں گھرے غریب خاندانوں کو وقتی ریلیف ملے گا۔ عوامی حلقوں نے حکومت کے اس اقدام کو خوش آئند قرار دیتے ہوئے امید ظاہر کی ہے کہ امدادی رقوم بروقت اور شفاف انداز میں تقسیم کی جائیں گی۔
