نوٹیفکیشن کے مطابق، اسکول سربراہان کو ہدایت دی گئی ہے کہ چھٹی کے وقت تمام جگہوں بشمول کلاس رومز، واش رومز، لیبارٹریز، لائبریریز، کھیل کے میدان اور دیگر مقامات کی مکمل جانچ پڑتال کی جائے تاکہ یہ یقینی بنایا جا سکے کہ کوئی طالب علم اسکول میں موجود نہ ہو۔

محکمے نے مزید ہدایت کی ہے کہ روزانہ کی بنیاد پر ایک استاد یا عملے کے رکن کو ذمہ داری سونپی جائے جو طلبہ کی روانگی کی نگرانی کرے اور تصدیق کرے کہ تمام طلبہ بحفاظت اپنے گھروں کو روانہ ہو چکے ہیں۔

یہ بھی پڑھیں: یو ای ٹی نیو کیمپس میں کلاسز آن لائن کرنے کا فیصلہ

مقرر کردہ عملے کے رکن کو اس وقت تک اسکول چھوڑنے کی اجازت نہیں ہوگی جب تک یہ تصدیق نہ ہو جائے کہ تمام طلبہ جا چکے ہیں جبکہ اداروں کے سربراہان کو ان ہدایات پر عملدرآمد یقینی بنانے کا ذاتی طور پر ذمہ دار ٹھہرایا جائے گا۔

حکام نے سرکاری اور نجی دونوں اسکولوں میں ان ہدایات پر فوری عملدرآمد کا حکم دیا ہے اور خبردار کیا ہے کہ کسی بھی قسم کی غفلت کو سنجیدگی سے لیا جائے گا جبکہ 24 گھنٹوں کے اندر عملدرآمد کی رپورٹ جمع کروانا لازمی ہوگا۔