یو ای ٹی نیو کیمپس میں کلاسز آن لائن کرنے کا فیصلہ
فائل فوٹو
April, 20 2026
(ویب ڈیسک): یونیورسٹی آف انجینئرنگ اینڈ ٹیکنالوجی لاہور کے نیو کیمپس، کالا شاہ کاکو میں کلاسز کو منگل کے روز آن لائن منتقل کر دیا گیا ہے۔
یونیورسٹی کے ترجمان ڈاکٹر تنویر قاسم کے مطابق، اہم راستوں کی بندش کی وجہ سے طلبہ اور اساتذہ دونوں کو آمد و رفت میں شدید مشکلات کا سامنا کرنا پڑا۔
اس صورتحال کے پیش نظر انتظامیہ نے طلبہ کی سہولت اور حفاظت کو یقینی بنانے کے لیے ایک دن کے لیے تمام کلاسز آن لائن کرنے کا فیصلہ کیا۔
یہ بھی پڑھیں: تیل قیمتوں کو مستحکم رکھنے کیلئے اقدامات کیے جا رہے: وزیر پٹرولیم
ترجمان نے واضح کیا کہ یہ فیصلہ صرف کالا شاہ کاکو میں واقع نیو کیمپس کے لیے ہے جبکہ مرکزی کیمپس اور دیگر کیمپسز میں تعلیمی سرگرمیاں معمول کے مطابق جاری رہیں گی۔
طلبہ کو ہدایت کی گئی ہے کہ وہ مقررہ آن لائن پلیٹ فارمز کے ذریعے اپنی کلاسز میں شرکت کریں اور یونیورسٹی کی جانب سے جاری ہونے والی مزید ہدایات پر نظر رکھیں۔
